Лауазымдық міндеттері:

1) ХХ ғасырдағы Қазақстан тарихы, қазіргі заманғы тарих, деректану, құжаттану және архивтану бойынша іргелі және қолданбалы сипаттағы аса маңызды ғылыми проблемалар бойынша зерттеулер жүргізуге ғылыми басшылықты жүзеге асырады, оларды жүргізуге тікелей қатысады;
2) зерттеулер мен әзірлемелердің жаңа бағыттарын тұжырымдайды, жұмыс бағдарламаларын жасауды ұйымдастырады, оларды жүргізу әдістері мен құралдарын айқындайды;
3) ғылыми-зерттеу жұмыстарының жоспарларын қалыптастыруға қатысады, өзіне тапсырылған тапсырмаларда өзге ұйымдармен бірлесіп жұмыстарды орындау кезінде қатысатын бірлесіп орындаушылардың қызметін үйлестіреді;
4) құжаттану және архив ісі саласындағы ғылыми және инновациялық қызметті дамыту үшін әртүрлі тұжырымдамалардың, бағдарламалардың, заңдардың, нормативтік құқықтық базаның жобаларын әзірлеуге қатысады;
5) бірлескен зерттеулер жүргізу үшін отандық және шетелдік әріптестерді іздеу, қосымша қаржыландыруды тарту жөнінде бастамалар қабылдайды, жобалардың конкурстары мен тендерлеріне қатысу үшін жобалық ұсыныстар әзірлейді;
6) алынған нәтижелерді жинақтайды, аяқталған зерттеулер мен әзірлемелерге ғылыми-зерттеу сараптамасын жүргізеді;
7) ғылыми зерттеулер мен әзірлемелер нәтижелерінің қолданылу аясын айқындайды және осы нәтижелердің практикалық іске асырылуына ғылыми басшылықты қамтамасыз етеді;
8) тиісті білім саласында ғылыми кадрларды даярлауды және олардың біліктілігін арттыруды жүзеге асырады;
9) сараптамалық-тексеру әдістемелік комиссиясының, архивтің ғылыми кеңесінің жұмысына қатысады және олардың отырыстарында қаралатын мәселелер бойынша сараптамалық қорытындылар дайындайды;
10) еңбек қауіпсіздігі және еңбекті қорғау және өрт қауіпсіздігі жөніндегі нормалар мен тәртіпті сақтайды.
Білуге тиіс: құжаттану және архив ісі саласында ғылыми проблемаларды; жоғары тұрған және басқа органдардың басқарушылық материалдарын; деректану және археография, Қазақстанның ХХ–ХХІ ғасырлардағы тарихы, құжаттану және архивтану мәселелері бойынша отандық және шетелдік жетістіктерді; ғылыми зерттеулер мен жұмыстарды жоспарлаудың, ұйымдастырудың, өткізудің және енгізудің жаңа әдістерін, құралдары мен тәжірибесін; ғылым туралы заңнаманың маркетингін; еңбекті, өндірісті және басқаруды ұйымдастыруды; еңбек заңнамасын, ішкі еңбек тәртібінің, еңбекті қорғау және қауіпсіздік, өндірістік санитария, өрт қауіпсіздігінің талаптарын.
Бiлiктiлiкке қойылатын талаптар:
1) «Тарих», «Архивтану, құжаттар жүргізу және құжаттамалық қамтамасыз ету», «Филология», «құқықтану», әлеуметтік ғылымдар мамандықтарының бірі бойынша жоғары (немесе жоғары оқу орнынан кейінгі) білім;;
2) ғылым докторының ғылыми дәрежесі, ХХ ғасырдағы Қазақстан тарихы, қазіргі заманғы тарих бойынша ірі ғылыми еңбектердің, оның ішінде монографиялық зерттеулердің болуы, іргелі және қолданбалы зерттеулердің ғылыми бағдарламаларына, жобаларына басшылық ету, тиісті білім саласындағы ғылыми бедел.

Сұхбатқа қатысу үшін түйіндемені келесі мекен-жайы бойынша жолдауға болады: Алматы қаласы, Достық даңғылы 87 Б, 1 қабат, 13 немесе 16 бөлмелер немесе office@archive.president.kz электрондық поштасы арқылы қабылданады, анықтамалар телефоны: 8(7272) 264-42-08, Ұйымдастыру-кадрлық және құқықтық жұмыс қызметі.