2023 жылғы 17 ақпанда Алматы қаласының өңірлік коммуникациялар қызметінде Архив тарапынан ҚР «Ұлттық архив қоры және архивтер туралы» Заңының 25 жылдығына орай ұйымдастырылып отырған «Тарихи құжат – ұрпаққа аманат» архивтік марафоны туралы баспасөз-конференциясы өтті.

Шараға ҚР Президенті Архивінің директоры Ә.Қ. Мұстафина, директорының орынбасары Қ.Ш. Әлімғазинов, ХХ ғасырдағы саяси қуғын-сүргін материалдарын зерделеу орталығының басшысы Г.Р. Нұрымбетова қатысып, БАҚ өкілдерінің сауалдарына жауап берді.

Брифингте баяндама жасаған Ә.Қ. Мұстафина Ұлттық архив қоры туралы, жалпы архив ісінің нормативтік-құқықтық реттелу жолы мен тарихи даму кезеңдеріне тоқталып өтті. Сондай-ақ, ол ҚР Президенті Архивінің қоғамдағы ерекше рөлі мен миссиясын және оның мақсаттары мен жаңғырту бағыттарын баяндап, Архивтің жұмысымен үйлестіре отырып өткізіп жатқан архивтік марафоны аясындағы іс-шаралар туралы айтып берді.

Архивтік марафон туралы толық ақпаратпен ҚР Президент Архивінің сайты мен әлеуметтік желілерінен таныса аласыздар.