Қазақстан Республикасы Президентінің Архиві «Digital Archive EXPO» атты III Архившілер конгресінің ресми сайтын іске қосты. Жаңа цифрлық платформа Конгресс туралы өзекті ақпаратпен танысуға және іс-шараға қатысты мәліметтерді бір жерден алуға мүмкіндік береді.

Сайтта Конгрестің алдын ала бағдарламасы, пленарлық және тақырыптық сессиялар туралы ақпарат, халықаралық спикерлер тізімі, сондай-ақ воркшоптар мен семинарлардың кестесі орналастырылған. Бұдан бөлек, қатысушыларға арналған ұйымдастырушылық ақпарат пен тұрақты түрде жаңартылып отыратын деректер қолжетімді.

Конгресс жұмысына Қазақстан мен әлемнің 25-тен астам елінен архив мекемелерінің басшылары мен мамандары, халықаралық ұйымдар өкілдері, IT-сарапшылар, ғалымдар мен зерттеушілер келіп, жалпы саны 400-ге жуық қатысушы болады деп күтілуде.