Ағымдағы жылдың 25 ақпанында Қазақстан Республикасы Президентінің Архивінде Алғыс айту күніне арналған «Ортақ үйіміздегі татулық пен келісім» атты Дөңгелек үстел Zoom платформасында онлайн форматта өткізіледі.

Аталған шараның мақсаты – ұлтаралық ынтымақтастықтың қазақстандық үлгісін, қазақстандық отаншылдықты насихаттау, Қазақстан Республикасы Президентінің Архиві құжаттары негізінде 2016 жылдан бері өткізілетін 1 наурыз – Алғыс айту күнінің тарихи және қоғамдық маңызын дәріптеу болып табылады.

Дөңгелек үстел аясында ҚР Президенті Архивінің қорынан архивтік құжаттар негізінде дайындалған «Ортақ үйіміздегі татулық пен келісім» тарихи-құжаттық көрмесі таныстырылады.

Дөңгелек үстел жұмысына ҚР Парламенті Мәжілісінің депутаттары, Алматы қаласындағы дипломатиялық корпус өкілдері, Қазақстан халқы Ассамблеясының мүшелері, этно-мәдени орталықтардың басшылары, ғалымдар мен қоғам қайраткерлері, Алматы қаласындағы жоғары оқу орындарының оқытушылары мен студенттері қатысады деп күтілуде.

Өтетін күні мен уақыты: 2021 жылғы 25 ақпан сағат 14.00-де.

Анықтама телефондары: +7 (727) 264-69-07, +7 (727) 264-26-75, +7 (727) 264-40-71.